Kreu i vendit, Edi Rama ka pritur në Kryeministri një grup studentësh nga Harvard Kennedy School, një ndër institucionet më prestigjioze në botë në fushën e politikave publike dhe qeverisjes.
Përmes një postimi të publikuar në rrjete sociale, Rama theksoi se studentët ishin të interesuar për rrugën e transformimit të madh që ka ndjekur Shqipëria në vitet e fundit.
“Mirëmëngjes dhe me këtë videokartolinë mikpritjeje në Kryeministri, të studentëve nga Harvard Kennedy School – një ndër institucionet më prestigjioze në botë të studimeve për politikat publike dhe qeverisjen – të cilët ishin shumë të interesuar të mësonin mbi rrugën e transformimit të madh të Shqipërisë, ju uroj një ditë të mbarë”, shkruan Rama.
