Kryetari i Partisë Demokratike, Sali Berisha është pyetur ditën e sotme nga gazetarët, nëse ka komunikuar gjatë 72 orëve të fundit me këshilltarin e tij elektoral amerikan, Chris LaCivita.
Në një dalje për media, pas daljes nga SPAK, Berisha nuk dha detaje nëse ka komunikuar apo jo më të pas humbjes së zgjedhjeve të 11 majit, pasi e konsideroi një çështje privatësie.
Më tej, ai e falenderoi LaCivita-n, për kontributin dhe angazhimin e tij gjatë fushatës.
“Dua ta falenderoj për punën që ka bërë. Çështjet e privatësisë edhe Sali Berisha sado që është njeri publik, ka edhe ai privatësinë e tij. E falënderoj për ndihmën dhe kontributin që na ka dhënë.
Ju ftoj të bëheni avoketër të interesit publik të qytetarëve shqiptarë. Ky është misioni në tërësi i të gjithë opozitës, misioni i mediave”, tha Berisha.
