Teksa në tetë qarqe vijon numërimi i votave nga Greqia, duket se ka pasur një tension mes palëve në Parkun Olimpik aty ku po numërohen këto vota.
Sipas asaj që raporton gazetari i Klan News, Besar Bajraktaraj ka përfunduar numërimi i votave në kutinë e fundit për qarkun e Lezhës, ku tashmë ka festë nga demokratët, pasi sipas rezultateve përfundimtare kanë ruajtur mandatin e katërt që rrezikohej në këtë qark me një diferencë 70 vota.
Ndërkohë ka pasur një situatë të tensionuar mes Ulsi Manjës dhe Gjin Gjonit. Ky i fundit kërkon të ruhet qetësia, nisur nga rezultati që është në favor. Momente tensioni ka pasur edhe mes Flamur Nokës dhe Ministrit Taulant Balla.
Nga ana e kampit të Partisë Socialiste dhe asaj demokrate ka pasur pretendime sa i përket votave të fundit, ku në një prej fletëve të votimit, PD thotë që është votë e tyre, kurse PS pretendonte të kundërtën.
