Disa persona janë përfshirë në një konflikt rreth mesnatës në Tiranë, pranë Pallatit me Shigjeta.
Siç duket edhe nga pamjet, personat e konfliktuar u përfshinë në një ndjekje me makina duke shkaktuar aksident mes tyre, si dhe duke përplasur makina të tjera.
Klan News ka mësuar se konflikti ka degraduar mbi urën e Lanës me sende të forta, përfshirë edhe levat, ndërsa dyshohet se është qëlluar edhe me armë.
Debati mes tyre ka nisur nga brenda makinave BMW dhe Benz që në Misto Mame, e verifikuar pas këqyrjes së pamjeve të kamerave nga policia dhe pasi kanë arritur mbi urë kanë goditur njëri-tjetrin me makinë dhe kanë dalë jashtë dhe janë rrahur me leva, fillimisht në rrugë, por edhe poshtë urës.
Njëri prej tyre dyshohet se ka qëlluar me armë pasi është gjetur një predhë. Janë larguar me vrap sapo ka mbërritur policia, ndërsa janë shpallur në kërkim dhe makinat e tyre janë sekuestruar.
Qarkullimi mbi urë ka qenë i bllokuar për një kohë të gjatë, derisa grupi hetimor ka këqyrur gjithë vendin e ngjarjes.
Mbetet i paqartë shkaku, ndërsa dyshimet janë ose për ndonjë përplasje makinash në zonën e Kombinatit, ose konflikt i mëparshëm.
