Kreu i PD-së, Sali Berisha është paraqitur mëngjesin e sotëm në SPAK në zbatim të masës së sigurisë detyrim paraqitje për çështjen “Partizani”.
Ish-kryeministri përballet me akuzën për korrupsion, ndërsa dhëndri i tij, Jamarbër Malltezi, i cili ndodhet aktualisht në arrest shtëpie dhe biznesmeni Fatmir Bektashi akuzohen për përfshirje në korrupsion dhe veprime të paligjshme për pastrimin e parave.
Po sot pritet të zhvillohet edhe seanca paraprake për kalim të çështjes në gjykim ose jo.
Seanca e mëparshme gjyqësore e mbajtur më 24 prill ndaj Sali Berishës, Jamarbër Malltezit dhe Andia Pustinës u shty, pasi mbrojtja kërkoi përjashtimin e gjyqtares Fjorela Davidhi, duke e akuzuar për mungesë paanësie.
