Një i mitur 15 vjeç ka përfunduar në spital pas një sherri me një bashkëmoshatar të tij. Policia bë me dije se ngjarja ka ndodhur pasditen e sotme, në qytetin e Kukësit.
Mësohet se 15-vjeçari është goditur me mjet prerës dhe ndodhet nën kujdesin e mjekëve, jashtë rrezikut për jetën.
Ndërkohë, autori i dyshuar i ngjarjes është vetëdorëzuar në Komisariatin e Policisë Kukës.
Njoftimi i policisë:
Rreth orës 17: 25, në qytetin e Kukës, një shtetas i mitur rreth 15 vjeç, dyshohet se ka goditur me mjet prerës një shtetas po të mitur 15 vjeçar, i cili është dërguar për mjekim të specializuar në spitalin e Prizrenit, paraprakisht jashtë rrezikut për jetën.
Si rezultat i veprimeve të shpejta të Policisë, por dhe të bashkëpunimit me qytetarët, autori i dyshuar është vetëdorëzuar në Komisariatin e Policisë Kukës.
Grupi hetimor vijon punën për zbardhjen dhe dokumentimin e plotë të ngjarjes.
