Gjatë një fjalimi në San Francisko, ish-zv.Presidentja e SHBA, Kamala Harris ka ngritur akuza të forta ndaj Trump, duke e akuzuar atë se po braktis idealet e Amerikës. “Kjo është një braktisje me shumicë të idealeve më të larta të Amerikës”, ndërsa akuzoi Trumpin se po mbjell frikë dhe kaos për të konsoliduar pushtetin e tij.
Ish-zv.Presidentja e SHBA theksoi se presidenca e re është duke ndjekur një kurs të rrezikshëm që po e çon vendin drejt një “krize kushtetuese”.
“Mbështeten në idenë se, nëse mund t’i bëjnë disa njerëz të frikësohen, kjo do të ketë një efekt te të tjerët. Por ajo që kanë anashkaluar është se frika nuk është e vetmja gjë që është ngjitëse. Guximi është ngjitës.”- tha Harris.
Duke folur me ton sfidues, Harris vlerësoi figurat që, sipas saj, kanë qëndruar përballë axhendës agresive të Trump – nga anëtarët e Kongresit dhe gjyqtarët, te universitetet dhe qytetarët e zakonshëm që mbrojnë të drejtat sociale dhe ligjore.
Duke i nxitur amerikanët të mobilizohen dhe të marrin pjesë aktive në jetën politike, Harris e mbylli fjalimin me thirrjen e drejtpërdrejtë: “Le ta mbyllim çështjen”.
