Deputetët e Hungarisë janë duke krijuar një projektligj, i cili nuk do të lejojë më njohjen e komunitetit LGBT+. Sipas këtij projektligji, në Hungari do të ndalohet Parada e LGBTQ+.
AP News raporton se ky amendament pritet të miratohet ditën e sotme nga të paktën dy të tretat e Partisë Fidesz, të kryeministrit Viktor Orban.
Ndalimi i Paradës së komunitetit LGBTQ+ do të sjellë gjithashtu dhe mohim të identititetit gjinor apo karakteristikave seksuale të këtij komuniteti, ndërsa theksojmë se Budapesti ka qenë shpesh herë atraksion për Paradën e LGBTQ+.
Në projektligj shkruhet se gjinia e një personi në lindje është karakteristikë biologjike, që mund të jetë vetëm mashkull ose femër. Kjo deklaratë sakaq arrin të mohojë individët të cilët lindin me karakteristika seksuale atipike, pra që nuk përputhen me konceptet binare të mashkullit dhe femrës.
Më herët sakaq është ndaluar dhe birësimi i fëmijëve nga çiftet që i përkasin të njëjtës seks, ashtu sikurse dhe nuk publikohen më përmbajtje LGBTQ+. Një masë e përngjashme ligjore u hartua nga Greqia.
Orban ka argumentuar se këto masa bëhen për të mbrojtur të miturit e Hungarisë nga “propaganda seksuale”, por nuk shihet kështu nga opozita vendase.
Zoltan Kovacs, Sekretari i Diplomacisë dhe Marrëdhënieve të Hungarisë, përmes një postimi në rrjete sociale më herët, është shprehur se ky amendament do e bëntë të paligjshme mbajtjen e tubimeve për mbrojtjen e fëmijëve.
“@PM_ViktorOrban më parë sinjalizoi se organizatorët e Pride “nuk duhet të shqetësohen për përgatitjen e këtij viti” pasi do të ishte humbje kohe dhe parash. Tashmë partitë në pushtet kanë dorëzuar një projektligj për ndryshimin e ligjit të Kuvendit, me qëllim ndalimin e ngjarjeve të tilla.
Amendamenti do ta bënte të paligjshme mbajtjen e tubimeve që shkelin ligjet e Hungarisë për mbrojtjen e fëmijëve. Organizatorët që mashtrojnë autoritetet ose marrin pjesë në ngjarje të ndaluara, pavarësisht paralajmërimeve të policisë, do të përballen me ndëshkime.
Për të parandaluar keqpërdorimet, shkeljet do të klasifikohen si vepra të dënueshme me gjobë, do të mblidhen si borxh publik dhe do të ndahen për mbrojtjen e fëmijëve.”, shkruan Kovacs.
