Kreu i SPAK, Altin Dumani është shpallur kampion i antikorrupsionit për vitin 2024 nga Departamenti Amerikan i Shtetit.
Në një ceremoni të zhvilluar në DASH, me praninë e Sekretarit amerikan të Shtetit, Anthony Blinken, Dumani ishte mes 10 emrave për kampion global të antikorrupsionit të prezantuar nga zyrtari i lartë amerikan.
Gjatë fjalës së tij, Blinken u shpreh ndër të tjera:
“Kryeprokurori i Posaçëm shqiptar, Altin Dumani drejton një agjenci të re kombëtare, të mandatuar nga reforma në drejtësi në vitin 2016 që ndjek zyrtarë të lartë dhe drejtues të krimit të organizuar. Sot është institucioni publik më i besuar në Shqipëri”, u shpreh sekretari amerikan i Shtetit, Antony Blinken.
Ndërkohë Dumani u vlerësua për integritetin, profesionalizimin dhe kurajon në drejtimin e SPAK.
“Ne vlerësojmë Altin Dumanin si kampion kundër korrupsionit për udhëheqjen si kryetar i Prokurorisë së Posaçme Kundër Korrupsionit dhe Krimit të Organizuar me integritet, profesionalizëm dhe kurajo në Shqipëri”, ishin fjalët që iu drejtuan Dumanit në momentin e dhënies së çmimit.
