SHBA vazhdon luftën ndaj TikTok. Gjykata Federale e Apelit për Distriktin e Kolumbisë ka mbështetur ligjin që kërkon që rrjeti social të ndërpresë lidhjet me kompaninë mëmë kineze ByteDance, ose të ndalohet në tokën amerikane nga mesi i janarit. Sipas gjyqtarëve, të cilët refuzuan ankesën e TikTok, ligji është kushtetues.
Aplikacioni kishte thirrur Amendamentin e Parë dhe argumentoi se ishte shënjestruar në mënyrë të padrejtë. Ashtu siç pritej, Tiktok ka vendosur t’i drejtohet Gjykatës së Lartë për të rrëzuar ligjin e Kongresit Amerikan.
Platforma mbrojti apelin duke argumentuar se ligji shkel amendamentin e parë të Kushtetutës amerikane, atë për lirinë e shprehjes. Ankesa e mëparshme, e paraqitur nga kompania kineze, argumentonte se ndalimi ishte një shkelje jokushtetuese e fjalës së lirë të 170 milionë qytetarëve amerikanë.
Ligji “Shit ose Dëgjo”, i nënshkruar në ligj nga presidenti Joe Biden në prill, u miratua me mbështetjen dypartiake. Kjo vjen pasi ligjvënësit morën informacione të klasifikuara nga inteligjenca mbi aftësinë e Pekinit për të përdorur TikTok për të vëzhguar amerikanët dhe për të përhapur propagandën kineze.
