Bledi Shkëmbi nuk është më trajneri i Tiranës.
Trajneri korçar, i emëruar në krye të stolit bardheblu vetëm në fillim të sezonit, ka konfirmuar se ka shtrënguar duart me presidentin Halili.
Pas 12 javësh kampionat, Tirana ka grumbulluar vetëm 11 pikë, duke e parë veten në vendin e 7-të me 11 pikë, vetëm një më shumë se vendi i fundit, duke rrezikuar seriozisht mbijetesën.
Për shkak të rezultateve të dobëta, presidenti Halili vendosi t’i japë fund bashkëpunimit me Shkëmbin, teksa menjëherë po punon për të gjetur një trajner të ri për të dalë nga kriza e rezultateve dhe të futet në garë për një vend në “Final 4”.
