Kryeministri Edi Rama ka publikuar sot disa pamje nga takimi i djeshëm që zhvilloi me shqiptarët në Selanik.
Përmes një postimi në rrjetet sociale, Rama i falenderon shqiptarët për mikpritjen dhe thekson se ishte një frymëzim kuqezi.
“Mirëmëngjes dhe me këtë videokartolinë nga Selaniku, si falenderim për mikpritësit e djeshëm e frymëzim kuqezi për të gjithë ju, ju uroj një javë sa më të mbarë”, shkruan Rama.
Kujtojmë se ky është takimi i dytë me shqiptarët që Rama mban në Greqi, pasi para 6 muajsh mbajti takimin me shqiptarët e Athinës.
