Në pjesën e parë të Kongresit fjalën e mbajtën ministrja e Infrastrukturës Belinda Balluku, ministri i Kulturës dhe i Ekonomisë, Blendi Gonxhaj, Ministrja e Turizmit Mirela Kumbaro dhe ministrja e Bujqësisë, Anila Denaj.
Ministrat prezantuan arritjet për të cilat PS kërkon një mandat të katërt për të arritur në projektin e Shqipëria 2030, kampion i Ballkanit.
Balluku tha se pak ditësh do të celet gara për ndërtimin e portit të ri tregtar të Durrësit në porto Romano.
“Me qeverinë e Kosovës po punojmë për projkeitn e hekurudhës Durrës- Prishtinë. Pas pak ditësh do të celet gara për ndërtimin e portit të ri tregtar të Durrësit në porto Romano.
Në fund të vitit mbyllen punimet e aeroportit ndërkombëtar dhe do të bëhet operacional në gjysmën e dytë të vitit 2025 për të pritur udhëtarët e parë.
Në 2030 do të bëjëm realitet 4 aeroporte.
Ndërkohë portet turistike të Durrësit e Vlorës janë në kantier ndërtimi do të pasohen me portin e Sarandës dhe Lezhës ku kemi hasur vështirësi me pronësinë. Zotohemi që në 2030 do të bëjmë Shqipërinë eksportuese neto të energjisë. Së shpejti hapet gara për segmentin Milot Balldren e do të kryhet projektimi për segmentin Milot – Poliçan”, tha Balluku.
Kumbaro theksoi se PS-së i duhet mandati i katërt për të vijuar dhe bërë realitet vizionin e Shqipërisë turistike 2030, kampion i Ballkanit.
“Kemi shumë për tu krenuar dhe shumë për të punuar. Na duhet mandati i katërt për të vijuar dhe bërë realitet vizionin e Shqipërisë turistike 2030, kampion i Ballkanit”, tha ministrja Kumbaro.
“Kemi ende shumë sfida të forta për të fituar, duke nisur nga rritja e pensioneve më kuptimplotë sesa rritja e vogël e këtyre viteve. Po punojmë që në rrugën e ‘Shqipërisë 2030 të mos ketë pensione nën 150 euro. Reforma e re e pensioneve co të marrë rrugë viti e ardhshëm e frytet do të shihen në 2- 3 vitet e ardhshme. Do të marrë fund praktika e cuarjes së pensioneve me zarfe në shtëpi. Po i japim jetë projektit të arsimit profesional”, tha ministri Blendi Gonxhe.
