Këshilltari i PL-së në Këshillin Bashkiak të Tiranës, Tedi Blushi ka folur sërish për përleshjen fizike që pati me këshilltarin socialist Halit Valteri.
Nga protesta para bashkisë, Blushi tha se u mbajt për më shumë se 5 orë në komisariat për ta trembur.
Ai theksoi se policët vijnë me kasketa në protestë pasi kanë turp ti dalin fëmijëve përpara.
“Këtyre horrave do ti tregojmë vendin. Një kryebashkiak që vjen me antiplumb nuk është trim. Trima jeni ju, sepse në zemrat tuaja janë mijëra e mijëra patriotë që do ti tregojnë vendin këtej regjimi.
Më mbyllën 5 orë në komisariat dhe menduan se do më trembnin aty, por e kanë marrë përgjigjen të gjithë narkopolicët. Duke zbritur nga shkallët takova një polic, që është këtu, por nuk e identifikoj dot. E di si më tha? E di ti pse ne vijmë me kasketa? Sepse kemi turp ti dalim fëmijëve përpara, kemi frikë se kur të shkojnë në shtëpi do na pështyjnë prindërit tanë”, tha Tedi Blushi.
