Një gjykatë në Moskë urdhëroi arrestimin e vejushës së liderit të ndjerë të opozitës Alexei Navalny, me akuzën për ekstremizëm.
Yulia Navalnaya, e cila ka jetuar jashtë vendit në mërgim që nga viti 2021, u akuzua për “pjesëmarrje në një komunitet ekstremist” dhe u vendos në një listë ndërkombëtare të kërkuar, sipas The New York Times.
“Vladimir Putin është një vrasës dhe një kriminel lufte”, shkroi Navalnaya në Twitter në përgjigje të lajmit për urdhrin e arrestimit.
”Vendi i tij është në burg, dhe jo diku në Hagë, në një qeli komode me televizor, por në Rusi në të njëjtën koloni dhe në të njëjtën qeli dy me tre metra në të cilën ai vrau Alexei-n”.
Një arsye e qartë për akuzat e Navalnaya nuk është dhënë ende.
Që nga vdekja e Navalny-t, ajo ka jetuar në një vend jashtë Rusisë që ende nuk është bërë i ditur për publikun së bashku me dy fëmijët e saj.
Ajo u ka kërkuar mbështetësve të saj që të mos shpërqendroheshin nga urdhri i gjykatës kundër saj, por të fokusoheshin në fushatën më të gjerë kundër Putinit.
