Shkodra do t’i hapë edhe këtë vit dyert e saj për të pritur festivalin “Za Fest”.
Edicioni i tetë i “Za Fest” është gati tu dhurojë disa kujtime të paharrueshme këtë verë më datat 18, 19, 20 korrik në kalanë e Rozafës.
Si aktiviteti më i veçantë kulturor që ndodh në veri të Shqipërisë “Zâ Fest” bashkon njerëzit jo vetëm nëpërmjet estetikave të ndryshme të artit si muzika, teatri, poezia, baleti kontemporan, kinemaja, por edhe përmes bisedave ku këmbehen përvoja e vihen në dukje modele të vyera për tu marrë shembull.
Artistë shqiptar dhe të huaj do të performojnë në një skenë të hapur në natyrë.
Pjesë e 3 netëve të festivalit do jenë: Vlashent Sata, Gipsy Kings, Yll Limani, BimBimma, Çun Lajçi, Elsa Rraqi, Rit Folk, Makari Trio, Gentian Koçi, Don’t listen to your neighbors.
Nata e parë është FALAS, por me REZERVIM në adresën e emailit: zafestivalgrup@gmail.com
Për ata që duan të shijojnë vetëm një natë të festivalit, kanë mundësinë të blejnë biletën me vlerë 2.000 lekë, ndërsa biletat e vlefshme për dy netët në kala kushtojnë 3,000 lekë.
Për personat me aftësi ndryshe, fëmijët nën 13 vjeç dhe të moshuarit mbi 65 vjeç, hyrja është FALAS, por duhen të jenë të pajisur me mjet identifikimi.
