Detaje të reja janë zbardhur në lidhje me operacionin e koduar “Medusa”, në kuadër të të cilit u arrestuan dy persona, Ardi Shehu dhe Brisea Kallushi, të cilët rezultojnë miq me njëri-tjetrin.
Mësohet se ata shisnin lëndë narkotike të forta në zonën e “Bllokut” në Tiranë në doza 20 deri në 30 gramë.
Dy të rinjt komunikonin me blerësit nëpërmjet rrjeteve sociale për t’u shitur më pas drogën. Gjatë kontrolleve u gjetën rreth 500 gramë lëndë narkotike e dyshuar kokainë e cila kap një vlerë të konsiderueshme në treg.
“Gjatë kontrollit fizik ndaj këtyre shtetasve, shërbimet e Policisë iu gjetën rreth 500 gramë lëndë të dyshuar narkotike kokainë, e cila u sekuestrua në cilësinë e provës materiale, bashkë me 2 celularë”-informoi sot policia e Tiranës.
Sipas informacioneve, vlera e kokainës në tregun e zi të Tiranës vijon e rritet, duke kapur shifrën 32 – 35 mijë euro kilogrami.
Po ashtu 32-vjeçari ka rezultuar se kishte thyer edhe masën e arrestit në shtëpi. Operacioni u ndërmpor në në zbatim të masave të përcaktuara në planin operacional “Tempulli 3
Ardi Shehu, 32 vjeç, banues në Tiranë, akuzohet për veprat penale “Prodhimi dhe shitja e narkotikëve”, kryer në bashkëpunim, dhe “Largimi i të burgosurit nga vendi i qendrimit”
Brisea Kallushi, 34 vjeçe, banuese në Tiranë, për veprën penale “Prodhimi dhe shitja e narkotikëve”, kryer në bashkëpunim.
