Babë e bir kanë mbetur të plagosur gjatë një sherri me thikë në Shkodër.
Ngjarja e rëndë ka ndodhur rreth orës 20:40 mbrëmjen e kësaj të marte, në lagjen “Mark Lula”.
Sipas njoftimit të policisë shtetasit Sh. L., 52 vjeç dhe E. L., 19 vjeç (babë e bir) gjatë një konflikti për motive të dobëta janë dëmtuar me mjet prerës (thikë).
Mësohet se të plagosurit u dërguan në spital dhe janë jashtë rrezikut për jetën.
Shkodër/Informacion paraprak:
Rreth orës 20:40, në lagjen “Mark Lula”, Shkodër, gjatë një konflikti për motive të dobëta janë dëmtuar me mjet prerës (thikë), shtetasit Sh. L., 52 vjeç dhe E. L., 19 vjeç (babë e bir), të cilët u dërguan në spital dhe janë jashtë rrezikut për jetën.
Falë reagimit në kohë të shërbimeve të Policisë është bërë i mundur identifikimi, kapja dhe shoqërimi në ambientet e Komisariatit të Policisë Shkodër, i autorit të dyshuar, shtetasit A. M., 26 vjeç, banues në Shkodër.
Gjithashtu, shërbimet e Policisë kanë sekuestruar mjetin prerës (thikë) që dyshohet se është përdorur nga ky shtetas, gjatë konfliktit.
Grupi hetimor, në drejtimin e Prokurorisë, vijon punën për sqarimin e plotë të rrethanave dhe dokumentimin ligjor të rastit.
