Elia Zaharia ka reaguar pas konfliktit fizik me Princ Lekën me të cilin është në proces divorci.
Në reagimin e saj, ajo falenderon personat që e mbështetën atë pas publikimit të videos ku shihet duke dhunuar Princ Lekën.
Elia Zaharia thotë se gjatë këtyre ditëve është mbështetur nga qytetarë dhe artistë të shquar, duke shkruar “fjalë zemre” për të.
Reagimi i Zaharias
Miq dhe dashamirës, ndjej dhe dëshiroj të shpreh mirënjohjen time më të thellë për mbështetjen dhe kurajon që më keni dhënë përgjatë këtyre ditëve kaq shqetësuese për mua dhe familjen time! U jam falenderuese të gjithë atyre që u ulën dhe më shkruan fjalë zemre, atyre që kuptuan dhe ndjenë dhimbjen time! Artistë të shquar e të nderuar të vendit tim, nga brezat që na kanë bërë e vazhdojnë të na bëjnë krenarë e që janë një pasuri kombëtare, deri te brezat e rinj të artit e kulturës në vend, u bashkuan në një peticion sensibilizues në mbështetje të një dinjiteti njerëzor! Ju jam përulësisht mirënjohëse, deri në lot!
