Policia e Gramshit ka nisur procedimin penal ndaj 51-vjeçarit me iniciale SH.Ç., pasi në banesën e cila është në pronësi të tij janë gjetur 94 granata dore, fishekë, ndezës granatash dhe karikatorë automatiku.
Sipas uniformave blu, nga specialistët e Batalionit të Xhenios të Ministrisë së Mbrojtjes janë asgjësuar lëndët plasëse, ndërsa pjesa tjetër e municionit u sekuestrua në cilësinë e provës materiale.
Krahas tij, bëhet me dije se një tjetër shtetas ka përfunduar në pranga pasi ka ushtruar dhunë ndaj bashkëshortes së tij.
“Specialistët për Hetimin e Krimeve të Komisariatit të Policisë Cërrik arrestuan në flagrancë shtetasin A. M., 34 vjeç, banues në Cërrik, pasi ka ushtruar dhunë ndaj bashkëshortes së tij.
Në vijim të informacionit paraprak të dhënë më datë 27.12.2023, për gjetjen e disa granatave dhe të një sasie municioni luftarak, në një banesë në fshatin Çekrezë, informojmë se në vijim të veprimeve hetimore dhe procedurale të kryera për këtë rast, specialistët për Hetimin e Krimeve të Komisariatit të Policisë Gramsh referuan materialet në Prokurori ku nisi procedimi penal ndaj shtetasit Sh. Ç., 51 vjeç, pasi në banesën në pronësi të tij, e cila është e pabanuar prej disa vitesh, janë gjetur 94 granata dore, 880 fishekë, 20 ndezës granatash dhe 11 karikatorë automatiku. Nga specialistët e Batalionit të Xhenios të Ministrisë së Mbrojtjes janë asgjësuar lëndët plasëse, ndërsa pjesa tjetër e municionit u sekuestrua në cilësinë e provës materiale”, njofton policia.
