Një aksident ka ndodhur mbrëmjen e kësaj të hëne në fshatin Adë të Fierit, ku si pasojë kanë mbetur të plagosur 2 të rinj.
Uniformat blu bëjnë me dije se një shtetas 17-vjeçar është përplasur me një tjetër motomjet me drejtues një 18-vjeçar.
Si pasojë janë dëmtuar 2 drejtuesit e motomjeteve dhe një pasagjer në njërin motomjet, 14 vjeç.
Ndërkohë mësohet se djemtë ndodhen në spital, në kujdesin e mjekëve.
“Rreth orës 19:00, në fshatin Adë, Fier, motomjeti me drejtues një shtetas 17 vjeç është përplasur me motomjetin me drejtues shtetasin D. Z., 18 vjeç.
Si pasojë e përplasjes janë dëmtuar 2 drejtuesit e motomjeteve dhe një pasagjer në njërin motomjet, 14 vjeç, të cilët ndodhen në spital, në kujdesin e mjekëve”, tha policia.
Grupi hetimor po punon për përcaktimin e shkaqeve të aksidentit./Opinion.al
