Lëvizja palestineze Hamas ka informuar se nuk planifikon të angazhohet në bisedime për fatin e pengjeve të saj izraelitë për sa kohë që luftimet vazhdojnë, tha shefi i byrosë politike të Hamasit, Ismail Haniyeh.
“Ne kemi informuar të gjitha palët se rastet e robërve tanë izraelitë nuk do të hapen derisa të mbarojnë luftimet,” vuri në dukje ai.
Haniyeh shtoi se “çështja e izraelitëve të robëruar do të jetë e mundur të zgjidhet vetëm me kushtet e Hamasit”.
Sipas Haniyeh, operacioni që luftëtarët radikalë po kryenin në Izrael është “një luftë palestineze, si për sa i përket vendimit për operacionin dhe zbatimit të tij”.
Musa Abu Marzouk, një zyrtar i lartë i Hamasit, më herët njoftoi kapjen e të paktën 100 pengjeve të tjera, të cilët, sipas burimeve palestineze, përfshijnë trupa izraelite, përkatësisht oficerë të rangut të lartë, së bashku me civilë. Pak para kësaj, Sekretari i Përgjithshëm i Xhihadit Islamik Ziyad al-Nakhalah pretendoi se mbi 30 qytetarë izraelitë ishin kapur në një zonë në kufi me Rripin e Gazës. Sipas tij, në mesin e të kapurve ka pjesëtarë të shërbimit izraelit dhe kolonë hebrenj.
Më 7 tetor, anëtarët e lëvizjes radikale palestineze të Hamasit hynë në Izrael pas një sulmi me granatime nga Gaza. Sipas të dhënave të fundit, përleshjet dhe sulmet kanë vrarë pothuajse 800 palestinezë dhe kanë lënë mbi 4000 të plagosur. Rreth 800 izraelitë kanë humbur jetën dhe mbi 2000 janë plagosur./Opinion.al
