Ministri i jashtëm grek Giorgos Gerapetritis, ka reaguar pas takimit me kryeministrin Edi Rama, gjatë ministerialin e ministrave të Jashtëm, të mbajtur në Tiranë në kuadër të Procesit të Berlinit.
Në një deklaratë për mediat greke, Gerapetritis është shprehur se me kryeministrin Rama ka diskutuar edhe çështjen e Fredi Belerit.
Ai thekson se refuzimi përbën një “devijim të vazhdueshëm nga pala shqiptare”.
“Ky refuzim i vazhdueshëm përbën një devijim të dukshëm nga shteti i së drejtës evropiane dhe sigurisht nga prezumimi i pafajësisë”, theksoi në deklaratën e tij Gerapetritis.
Më tej ai tha se me Ramën ka biseduar për çështje që kanë të bëjnë me marrëdhëniet dypalëshe, teksa më herët u takua edhe me homologun shqiptar, Igli Hasani.
“Jam i informuar si për çështjet që kanë të bëjnë me diasporën, si mbi të gjitha kërkesa për të pasur integritet në procesin e regjistrimit që po zhvillohet aktualisht në Shqipëri, ashtu edhe për punën e madhe arsimore, dhe kulturore të kryer”, nënvizoi ministri i Jashtëm në deklaratën e tij.
Para përfundimit të vizitës, Giorgos Gerapetritis vizitoi ambasadën greke në Tiranë./Opinion.al
