Kryeministri Edi Rama nuk i ka kursyer kritikat ndaj bizneseve në vijat bregdetare ku tha se sezonin e ardhshëm nuk do të tolerohet asnjë biznes që do derdhë ujërat e zeza në det apo në liqenin e Pogradecit.
Gjatë fjalës së tij në aktivititetin e bilancit për sezonin turistik, Rama tha se do ngrihet një task forcë për kontrollet.
Sipas tij, ujërat e kristaltë të Maldiveve të Europës po ndotin nga hotelet ‘ që vendosin në ballë 5 yje dhe nga mbrapa i lëshojnë komunitetit mbetjet e yjeve’.
“Derdhje ujërash të zeza në det e në liqenin e Pogradecit. Kjo bëhet duke u thënë shumë qartë jo vetëm me fjalë por edhe me një akt të menjëhershëm ligjor por edhe me task forcë. Ata që kanë hotele restorante-kafene, që epoka e gropës mbaroi. Do investosh për derdhjen e ujërave të zeza.
Është bërë edhe studimi sa kushton, është një kosto e përballueshme, nuk po them që tu vëmë kufirin banorëve për banesat, shtëpitë që kanë gropat skeptike se do ishte e padrejtë. Kostoja do ishte e papërballueshme, s’janë ata ndotësit më të mëdhenj. Ujërat e kristaltë të Maldiveve të Europës i ndotin ata që na ballë i vënë hotelit 5 yje dhe nga mbrapa i lëshojnë komunitetit mbetjet e yjeve. Nuk mund të vazhdojë”, tha Rama./Opinion.al
