Një piton 5 metra i gjatë është parë duke rrëshqitur në çatinë e shtëpisë së një familjeje në Queensland. Kjo situatë, shkruan Daily Mail, tingëllon si një ditë normale në Australi.
Pitoni u filmua duke u arratisur në pemë nga maja e çatisë, ndërsa familja e shikonte e shqetësuar.
Në një moment, një fëmijë shpërtheu në lot kur pa zvarranikun gjigant që kthente kokën drejt familjes, ndërsa një burrë i kërkonte që të ishte e guximshme.
Videoja ka mbledhur mbi 12 milionë shikime në TikTok, teksa përdoruesit nuk e shmangën dot ankthin ndërsa shohin zvarranikun gjigant që zvarritet nëpër çatinë e shtëpisë dhe nxjerr kokën nga një pemë.
Më pas, ai lëviz derisa del nga çatia e shtëpisë dhe zhduket në një pemë.
“Vetëm në Australi do të shihni një gjarpër 5 metra të gjatë në periferi”, thuhet në mbishkrimin e videos të filmuar në Queensland.
