Një sherr mes disa personave është regjistruar të martën rreth orës 23:00 te kthesa e fshatit Pilur, në Himarë.
Një 28-vjeçar me profesion polic, ishte jashtë orarit të shërbimit kur kaloi aty pranë për të parandaluar përshkallëzimin e konfliktit.
Në këtë kohë, një 60-vjeçar i cili ishte pjesë e sherrit masiv e ka goditur me mjet prerës thikë efektivin Redin Caushaj, dhe për pasojë punonjësi i Policisë është në gjendje kritike për jetën.
Në kushtet e errësirës, autori ka përfituar dhe është larguar menjëherë.
Në ndjekje të tij janë vënë shërbimet e Komisariatit të Policisë Himarë, grupe të FNSH dhe të forcave operacionale të DVP Vlorë.
Ndërkohë është ngritur grupi hetimor dhe vijon punën për dokumentimin ligjor të kësaj ngjarjeje.
