Një shtetas që drejtonte fadromën e pastrimit të mbetjeve liqenore ka aksidentuar ditën e sotme një pushues në Pogradec.
Uniformat blu bëjnë me dije se ngjarja ka ndodhur rreth orës 13:50 në vendin e quajtur “Plazhi”.
Mësohet që i aksidentuari është dërguar menjëherë në spital ku po merr ndihmën mjekësore.
“Rreth orës 13:50, në vendin e quajtur “Plazhi”, mjeti fadromë që shërben për pastrimin e mbetjeve liqenore, me drejtues shtetasin D. P., 31 vjeç, ka goditur aksidentalisht shtetasin A. K., 53 vjeç (pushues), i cili si pasojë është dëmtuar dhe ndodhet në spitalin e Pogradecit, në kujdesin e mjekëve.
Ndërkaq, drejtuesi i fadromës, shtetasi D. P. është shoqëruar në Komisariat, për kryerjen e veprimeve të mëtejshme procedurale”, tha policia.
Grupi hetimor vijon punën për zbardhjen e rrethanave të kësaj ngjarjeje./Opinion.al
