Policia ka arrestuar dy autorët e dyshuar të vrasjes së 32-vjeçares, Luljeta Preza në Durrës. Bëhet fjalë për shtetasit Aldo Ibrahimi, Ylli Grabovari. Ndërkohë, janë proceduar penalisht edhe tre gra të tjera të cilat kanë qenë të pranishme në momentin e ngjarjes, ku dy personat kanë vrarë 32-vjeçaren.
Nga hetimet e thelluara të kryera menjëherë pas ngjarjes, rezultoi se rreth orës 01:00 të ditës së djeshme poshtë urës së Dajlanit, Durrës, 32-vjeçarja është konfliktuar me Aldo Ibrahimin dhe Ylli Grabovarin për motive të dobëta, pasi kanë konsumuar lëndë narkotike kokainë, së bashku me shtetaset B. S., M. M. dhe me një 15-vjeçare.
Gjatë konfliktit, Aldo Ibrahimi dhe Ylli Grabovari kanë goditur me thikë 32-vjeçaren, e cila si pasojë ka humbur jetën.
Dy autorët akuzohen për veprën penale:“Vrasje me dashje”, kryer në bashkëpunim./Opinion.al
