Pasi e mposhti në stadiumin “Fadil Vokrri”, skuadra e Dukagjinit e ka mposhtur edhe si mysafire Europan, kështu duke siguruar biletën drejt raundit të dytë kualifikues të Ligës së Konferencës.
Në ndeshjen që u zhvillua në stadiumin “Victoria” u shënuan plot pesë gola, ku Dukagjini e ka mposhtur Europan me rezultat të ngushtë 3:2.
Golat për Dukagjinin i shënuan Iljasa Zulfiji në minutën e 23’ dhe 79’ dhe Arbër Shala në minutën e 47’.
Ndërkaq, tek Europa golashënues ishin Alberto Quintana (minuta e 38’) dhe Antonio Vera në minutën e 87’.
Rezultati final i ndeshjes, 3:2 në favor të Dukagjinit. Rezultati i përgjithshëm, 5:3 në favor të Dukagjinit. Ndeshja e parë përfundoi 2:1 në favor të Dukagjinit.
