Mediat italiane i kanë kushtuar një artikull, Sami Macukullit, 22-vjecarit shqiptar që vdiq për shkak të një aksidenti në punë në Itali.
Në artikull shkruhet se historia e jetës së Samiut, është historia e një djali me origjinë të huaj si të tjerët, i rritur në Shqipëri, por më pas u zhvendos në Itali për të punuar.
Samiu ishte 22 vjeç, më 21 tetor të vitit të ardhshëm do të kishte mbushur 23.
Mirëpo ajo që e bën më të trishtë faktin e vdekjes së tij, janë detajet që mediat italiane kanë zbuluar rreth jetës së të riut.
Me punën dhe rrogën e re, Macukulli i kishte premtuar partneres se do të martohej me të, dhe do të jetonin bashkë në Itali. Gjithçka ishte gati, mungonte vetëm akti nga noteri, i cili duhet të ishte përfunduar javën e ardhshme.
Të gjithë ata që e kishin njohur thanë se Samiu ishte një djalë shumë punëtor dhe ambicioz, plot me dëshira dhe qëllime për të ardhmen.
Samiu jetonte në disa apartamente në zonën e Caorles, me babain e tij, Ilirjan Macukulli. Ai kishte 20 vjet në Itali.
Ndërkohë, e ëma dhe e fejuara e tij jetonin në Shqipëri, në zonën e Dibrës.
Aksidenti tragjik ndodhi pak pas orës 16:30 të së martës në rrugën Padana Superiore në Castegnato, në zonën e Brescias.
22-vjeçari ra nga një shtyllë e tensionit të lartë në një lartësi prej 45 metrash. Përplasja në tokë ishte fatale për të riun i cili humbi jetën menjëherë./Opinion.al
