Numërimi për kryetar bashkie në Bashkinë Tiranë ka përfunduar. 58,337 vota më shumë mori Erion Veliaj në raport me kundërshtarin e tij të koalicionit “Bashkë Fitojmë”, Belind Këlliçi.
Sipas të dhënave të fundit të KQZ për Tiranën, Veliaj, ka marrë 158 688 vota. Ndërsa Këlliçi e mbyll garën me 100 351 vota.
Sakaq, kandidati i “Lëvizjes Bashkë”, Arlind Qori numëron 13 835 vota dhe lë pas në këtë garë kandidatin e Partisë Demokratike të drejtuar nga Enkelejd Alibeaj, Roland Bejkon, i cili mori 12 388 vota.
Sa i përket dy kandidatëve të tjerë, Marko Dajti dhe Lajla Përnaska, ata e mbyllin garën me 2807 dhe 2104 vota, secili.
