Fotografi i njohur gjerman refuzoi një çmim prestigjioz të fituar në një konkurs fotografie, pasi tregoi se puna e tij është një krijim i inteligjencës artificiale.
Fotografia fituese përshkruante dy gra nga breza të ndryshëm bardh e zi.
Artisti gjerman Boris Eldagsen zbuloi në faqen e tij se nuk po pranonte çmimin për kategorinë e hapur krijuese, të fituar në çmimet botërore të fotografisë Sony, pasi thotë se konkurroi në Çmimet Botërore të Fotografisë nga Sony për të nxitur debat.
Në një deklaratë në rrjetet e tij sociale, ai tha:
“Në botën e fotografive, kemi nevojë për një diskutim të hapur. Një diskutim rreth asaj që duam të konsiderojmë fotografinë dhe çfarë jo. A është ombrella e fotografisë mjaft e madhe për të ftuar imazhet e inteligjencës artificiale që të hyjnë? Me refuzimin tim të çmimit, shpresoj ta përshpejtoj këtë debat.”
Fotografi tha se ky ishte një “moment historik” pasi ishte hera e parë që një imazh i gjeneruar nga inteligjenca artificiale fitoi një konkurs prestigjioz ndërkombëtar fotografie.
“Imazhet e gjeneruara nga inteligjenca artificiale dhe fotografia nuk duhet të konkurrojnë me njëra-tjetrën në një çmim si ky. Janë entitete të ndryshme. Nuk është fotografi. Prandaj nuk do ta pranoj çmimin.”
Eldagsen sugjeroi dhurimin e çmimit për një festival fotografie të organizuar në Odesa, Ukrainë. Ai ka studiuar fotografi dhe artet pamore në Akademinë e Arteve të Mainz-it, artin konceptual dhe intermedian në Akademinë e Arteve të Bukura në Pragë, arti i bukur në Shkollën e Arteve dhe Komunikimit Sarojini Naidu në Hyderabad.
Një zëdhënës i Organizatës Botërore të Fotografisë tha se Eldagsen kishte konfirmuar bashkëkrijimin e imazhit duke përdorur inteligjencën artificiale dhe ata ia dhanë çmimin sepse janë të hapur edhe për krijime të tilla./Opinion.al
