Policia e Elbasanit ka goditur një rast mashtrimi nëpërmjet një subjekti call center.
Si rrjedhojë e operacionit te koduar “Pending call”, është arrestuar në flagrancë shtetasi M. N., 26 vjeç, administrator, si dhe janë proceduar në gjendje të lirë shtetasit R. Sh., 27 vjeç, I. K., 26 vjeç, E. B., 28 vjeç dhe N. S., 24 vjeç, të katërt banues në Elbasan.
Nga veprimet hetimore ka rezultuar se pesë të rinjtë nëpërmjet një subjekti call, në lagjen “Sul Paprri”, Elbasan, mashtronin shtetas të huaj, në mënyrë që ata të investonin para në tregje fiktive.
Në ambientet e subjektit call center janë gjetur nga shërbimet e Policisë, 3 kompjutera, 1 laptop, 2 USB dhe 6 aparate celulare, të cilat u sekuestruan në cilësinë e provës materiale, së bashku me një sasi të vogël lënde të dyshuar narkotike kanabis që iu gjet shtetasit N. S.
Materialet procedurale i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
