Arrestohet një 46-vjeçar i dënuar me 11 vite burg, pasi ishte shpallur në kërkim ndërkombëtar.
Uniformat blu bëjnë me dije se kanë vënë në pranga në qytetin e Durrësit 46-vjeçarin të identifikuar si Afrim Gjergji, disa orë pasi u shpall në kërkim nga Interpol Roma.
Bëhet me dije se i dyshuari ishte i dënuar me 11 vjet burgim, për veprat penale “Marrëdhënie seksuale me dhunë” dhe “Dhuna në familje”.
Sipas informacioneve zyrtare ai është dënuar nga autoritetet italiane, pasi ka kryer marrëdhënie seksuale me dhunë, me bashkëshorten e tij, si dhe ka ushtruar dhunë fizike dhe ka goditur me sende të forta fëmijët e tyre.
“Në kuadër të operacionit policor të koduar “Pordenone”, Fast Albania, në bashkëpunim me DVP Durrës, në lagjen nr.18, Durrës, ka kapur shtetasin Afrim Gjergji, 46 vjeç, banues në Durrës.
Interpol Roma e shpalli në kërkim ndërkombëtar këtë shtetas, ditën e djeshme, pasi Gjykata e Pordenone, Itali, e ka dënuar me 11 vjet burgim, për veprat penale “Marrëdhënie seksuale me dhunë” dhe “Dhuna në familje”, parashikuar nga Kodi Penal i Italisë. 46-vjeçari është dënuar nga autoritetet italiane, pasi ka kryer marrëdhënie seksuale me dhunë, me bashkëshorten e tij, duke e kanosur, si dhe ka ushtruar dhunë fizike dhe ka goditur me sende të forta fëmijët e tyre”, tha policia.
Interpol Tirana, në bashkëpunim me Interpol Roma, vijon procedurat për ekstradimin e këtij shtetasi, në Itali./Opinion.al
