Pasditen e sotme, kryetari i PD Sali Berisha ka prezantuar sot kandidatin e tij për bashkinë e Rrogozhinës, për zgjedhjet lokale të 14 majit.
Gjatë fjalës së tij, Berisha ka akuzuar qeverinë për korrupsion si dhe për vjedhjen e parave gjatë ndërtimit të rrugëve.
Sipas Berishës, në një kilometër rrugë vidhen rreth 20 milion euro, ndërsa tha se kostoja e rrugës dytësore Lekaj-Fier ka qenë 2.5 herë më e lartë se ndërtimi i rrugës kryesore.
“Për ndërtimin e një km rrugë në fushë që në vendet më të pasura të Europës kushton 2-3 mln euro, në Shqipëri 24 mln euro, sepse vidhen në çdo kilometër 20 mln euro, 8-fishi i çmimit me të cilin ndërtohet. Kjo ndodh me shkollë e me çdo punë publike që kryhet me paratë tuaja. Rrugët anësore Lekaj –Fier, 2.5 herë më shumë se ç’është ndërtuar rruga kryesore, autostrada”, tha ai.
