Bota

Ukraina/ Kryebashkiaku: Gjurmë të gazit Sarin në rajonin e Suny


Bëhu pjesë e Grupit Zyrtar të Opinion.al
>> KËTU <<
               Publikuar në : 23:01 - 16/04/22 |
Opi Nion

Mbetjet e armëve kimike të dyshuara, Sarin dhe substanca të tjera, u gjetën në fshatin Bilka, në rajonin Sumy, pas çlirimit të tij nga pushtuesit rusë, sipas një deklarate të kryetarit të komunës së Trostyanets, Yuriy Bova në radion ukrainase, transmeton Ukrinform.

“Ne gjetëm mbetjet e armëve kimike në fshatin Bilka, Sarin dhe lëndë të tjera. U gjetën kontejnerë. Tani shërbimi ukrainas i sigurisë po punon me to. Ndoshta pushtuesit donin t’i përhapnin këto kimikate në Kiev, Poltava apo qytete të tjera”, shtoi ai.

Kryebashkiaku i Trostyanets vuri në dukje gjithashtu se, gjatë muajit të okupimit, trupat ruse ngritën flamujt e tyre dhe hodhën mina në shumë varreza, fusha dhe pyje, parqe dhe struktura administrative.

Aktualisht – saktësoi ai – dy grupe punojnë çdo ditë për çminimin në Trostyanets dhe hapësira të reja rimerren çdo ditë, por të tjerat mbeten të rrezikshme dhe të mbushura me eksplozivë.

Sarin është një gaz nervor i klasifikuar si një armë kimike e shkatërrimit në masë. Helm 26 herë më vdekjeprurës se cianidi, ai kundërvepron efektin e tij me atropinë dhe antidotë të tjerë.

Më 11 prill, luftëtarët nga regjimenti Azov pretenduan se pushtuesit rusë lëshuan një substancë helmuese me origjinë të panjohur nga një dron mbi Mariupol. Tre persona kanë mbetur të plagosur dhe kanë pësuar probleme të frymëmarrjes.

Sekretariati i Organizatës për Ndalimin e Armëve Kimike ka shprehur shqetësimin për përdorimin e armëve kimike në Mariupol dhe bombardimet e uzinave kimike në Ukrainë./Opinion.al

Pas