Kryetari i opozitës, Lulzim Basha, ditën e “8 Marsit” ka zhvilluar një bashkëbisedim me gratë nga çadra e protestës.
Gjatë fjalës së tij, Basha nuk kurseu akuzat ndaj kryeministrit dhe qeverisë së tij.
Në bashkëbisedim me kreun e opozitës, morën pjesë disa gra të larguara nga puna, ku sipas tyre, janë pushuar pa të drejtë nga administrata.
Basha tha se “8 Marsi” është një dite proteste dhe protestuesit sot janë në çadër duke kërkuar të drejtat e tyre.
Më tej, ai akuzoi kryeministrin Rama se ka çuar drejt vetëflijimit shumë gra të pafajshme.
“Rama ka shtyrë dhjetëra gra drejt vetëflijimit për largimet nga puna”, tha Basha gjatë fjalës së tij nga çadra e protetstës.
Fjala e plotë:
“8 Marsi” është ditë protestë dhe qëndrese dhe sot në 8 mars 2017 gratë në këta protestues i vunë vulën kësaj qeverie.
Këtu ka dhe shumë burra, por ajo që dëgjuam ishte tronditëse rrënqethëse, sakrifica të jashtëzakonshme. por, ndjesia e dytë ishte ajo që tha zonja, që me qëndresën që kanë bërë më forcën dhe kurajën që kanë bërë këto gra, këto zonjusha janë heroinat e çdo shqiptari, shpirti i qëndresës, i luftës për drejtësi dhe dinjitetin edhe pse shkelen përditë nga një qeveri që ka dalë jashtë Kushtetutës.
Të gjithë e dimë se vlerat rrjedhin nga arsimimi dhe shembulli, sa i rëndësishëm është që shembulli i grave, nënave, motrave tona që rrisin fëmijët të na frymëzojë të gjithëve dhe në veçanti politikanët vendimmarrësit.
Po kështu e dimë sa i dëmshëm është shembulli i gabuar. Ja pra, ku e kemi zanafillën, rrënjën e së keqes e kemi tek shembull i kreut të qeverisë, i cili ka sjellë në pushtet një model që nuk respekton dhe ka vetëm arrogancë dhe shpotitje për të gjithë shqiptarët.
Të një modeli shpirt kazëm, i cili ka shtyrë dhjetëra gra drejt vetëflijimit për largimet nga puna.
Ky është modeli i krimit në pushtet, i drogës në zyrat pushtetit, ky është modeli të cilin shqiptarë janë ngritur për ta larguar dhe përmbysur përmes votës së lirë.
Ky model nuk është i djathtë, sepse e djathta bazohet tek familja dhe vlerat në familje, tek ngritja në piedestal dhe barazia e vërtetë mes burrit dhe gruas.
Edi Rama përfaqëson modelin e krimit, drogës dhe trafikantëve që i bëri të pushtetshëm duke iu thënë poste drejtuese.
