Varësia nga alkooli është shumë e përhapur edhe te femrat. Më së shumti janë personazhet e famshme ato të cilat abuzojnë më tepër, për shkak të jetës intensive dhe ndonjëherë menaxhimi i famës është më i vështirë se sa duket. Por nëse ju i shihni në televizor aq të kuruara dhe aq të qeshura, mos mendoni se kanë jetën perfekte. Pasi të lexoni personazhet në këtë listë, do e kuptoni se edhe femrat më të pushtetshme në botë, mund të jenë pre e veseve të këqija.
1 – Oprah Winfrey
Ajo është padyshim një nga femrat më me influencë në botë, por nuk është perfekte. Në të 20-at Oprah ka abuzuar shumë me alkoolin dhe substancat narkotike, duke përfunduar në rehabilitim. Këtë rrëfim ajo e ka bërë vetë në vitin 1995, ku një dekadë më pas ajo deklaroi se ishte pikërisht i dashuri saj personi për të cilin ajo krijoi këto varësi.
2 – Kristin Davis
Të gjithë e njohin për rolin e Charlotte në “Sex and the City”, po kujt mund t’ja merrte mendja se që prej adoleshencës dhe deri në moshën 22-vjeçare Kristin ka pasur një histori të vështirë me varësinë e saj nga alkooli. Ajo ka treguar se është diçka që e ka pasur edhe në familje por më pas ajo vendosi të hiqte dorë nga ky ves.
3 – Nicole Richie
Aktorja simpatike ka vuajtur shumë prej varësive të saj të ndryshme. Përveç alkoolit ajo ka abuzuar shumë me heroinën dhe drogëra të tjera. E pyetur se cili ishte shkaku, ajo ka pranuar se askush veç vetes së saj nuk është fajtor. “E nisa vetë, e vazhdova vetë, dhe hoqa dorë me ndihmën e disa njerëzve të mrekullueshëm”- ka deklaruar ajo.
4 – Elizabeth Taylor
Aktorja e njohur dhe frymëzimi i shumë njerëzve nuk e ka pasur jetën aq të thjeshtë. Elizabeth i është nënshtruar rehabilitimit për të hequr dorë prej varësisë së saj nga alkooli. Në vitet 80’, kur ajo vendosi të shkonte në rehabilitim, frymëzoi shumë njerëz që të kërkonin ndihmë.
5 – Christina Ricci
Kujt mund t’ia priste mendja se aktorja e njohur mund të kishte pasur probleme me alkoolin? Ajo ka treguar se në të 20-at ka abuzuar shumë me alkoolin, por më pas vendosi të hiqte dorë për të mirën e vetes.
6 – Chrissy Teigen
Bashkëshortja bukuroshe e John Legend më tepër se e varur nga alkooli është një pijedashëse shumë e madhe. Siç edhe ajo ka rrëfyer, nuk mund të shkonte në asnjë event nëse nuk pinte pafund. Madje ajo as nuk e imagjinonte dot të rrinte esëll në një mbrëmje jashtë. Chrissy e kuptoi këtë problem vetë, pasi siç thotë ajo askush nuk ja vuri në pah.
7 – Demi Lovato
Të gjithë u shokuan kur këngëtarja 21-vjeçare asokohe deklaroi varësinë e saj prej alkoolit dhe substancave të tjera. Ajo u shpreh se nuk mund të rrinte dot as 30 minuta pa thithur kokainë dhe në çantë mbante një shishe Sprite të mbushur me Vodka, të cilën e pinte që në orën 9 të mëngjesit. Fatmirësisht ajo tani ka hequr dorë nga kjo varësi.
8 – Betty Ford
Ndoshta emri i gruas së ish presidentit të SHBA-ve Gerald Ford, nuk ishte i pritshëm në këtë listë. Epo as gratë e pushtetshme nuk mund t’i shpëtojnë varësisë prej alkoolit. Siç ka deklaruar edhe ajo vetë, të qënit zonja e parë e Amerikës, nuk të shpëton prej alkoolit, dhe kështu ajo vendosi të ndihmonte të gjithë njerëzit me këtë varësi duke krijuar një qendër rehabilitimi.
Opinion.al
