Dy persona kanë rënë në prangat e policisë në pikën kufitare Morinë, në Kukës, pasi tentuan të kalonin një shumë parash të padeklaruara.
Policia bën me dije se në pranga kanë rënë një 35-vjeçar nga Kavaja me inicialet B. F., dhe një 27-vjeçare nga Tirana, me inicialet R.B.
Të dy këta persona, u kapën pas kontrollit në vijën e dytë, ku policia i zbuloi brenda mjetit tip “benz” një çantë ku ndodheshin 77160 franga zvicerane.
Materialet hetimore u referuan në Prokurorinë pranë Gjykatës së Shkallës së Parë Kukës, për veprime të mëtejshme./Opinion.al
