TIRANE- Edhe pse ditë e hënë kur qytetarët nxitojnë në destiancionet e tyre, shumë pak prej tyre ka arritur ne orar në punë apo në shkollë.
Mbyllem fundjavën me një aktivitet për autizmin që bllokoi Bulevardin dhe nisëm ditën e hënë sërish në kaos. Opinion.al u interesua dhe mësoi se sheshi Nënë Tereza, Bulevardi Dëshmorët e Kombit, rruga e Liceut, etj. janë të bllokuara pasi po zhvillohet ceremonia e 7 vjetorit të anëtarësimit të Shqipërisë në NATO.
Një aktivitet ku merr pjesë, ministrja Kodheli, kreu i Bashkisë, Veliaj, etj. Aty janë ekspozuar helikopterë dhe mjete të tjera ushtarake, që njerëzit mund ti vizitojnë.
Ky aktivitet ka futur në kaos trafikun në Tiranë, pasi jo vetëm sheshi Nënë Tereza, por edhe sheshi Skenderbej është thuajse i bllokuar. Ky i fundit për shkak të punimeve për rikonstruksionin e unazës së vogël. Kështu kush e bën plan të lëvizë me makinë në rrugët kryesore të Tiranës ta mendojë mirë, pasi mund të mbetet me orë të tëra në trafik. Ndërsa linjat urbane, duhet ti kërkoni pasi kanë ndryshuar edhe stacionet për shkak të këtyre bllokimeve…
/Opinion.al
