Nje 66-vjecari nga Fieri i janë konfiskuar 3 llogari bankare, me vlerë 140 milionë lekë, të cilat dyshohen se janë përfituar nga veprimtaria kriminale.
Shumat e konfiskuara dyshohet se janë produkt i veprës penale “Trafikimi i narkotikëve”, për të cilën djali i tij, shtetasi A. L është dënuar në Itali.
Sikurse njofton policia, konfiskimi i pasurisë erdhi pas një hetimi disamujor, dhe u krye për llogari të procedimit pasuror të filluar për këtë shtetas, pasi është subjekt i ligjit “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë”.
Policia njofton se vijojnë hetimet intensive për evidentimin e pasurive të tjera që mund të jenë në emër të këtij shtetasi dhe të personave të tjerë të lidhur me të./Opinion.al
