Zv/Ministrja e Shëndetësisë dhe Mbrojtjes Sociale, Mira Rakacolli ka bërë me dije se, në 24 orët e fundit janë testuar 35 persona të dyshuar, prej të cilëve janë konfirmuar 6 raste të reja me COVID-19.
Nga rastet e reja, 5 janë regjistruar në Tiranë dhë një në Fier. Në Tiranë 2 janë raste kontakti dhe tre raste të reja ndërsa në Fier ka rezultuar e prekur një 82 vjeçare.
Deri në këto momente testuar 732 janë raste të dyshuara dhe prej tyre janë të konfirmuar pozitivë me COVID-19, 70 raste. Shpërndarja e tyre është në Tiranë 50 qytetarë, Durrës 5 qytetarë, Lushnje 2 qytetarë, Elbasan 2 qytetarë, Fier 7 qytetarë, Rrogozhinë 2 qytetarë dhe Kavajë 2 qytetarë.
Rakacolli informoi se në spitalin Infektiv ndodhen 35 pacientë të shtruar, 3 prej tyre janë në terapi intensive, në situatë të njëjtë klinike. Ndërsa pjesa tjetër e të shtruarve në pavion janë në gjendje të stabilizuar deri në këto momente.
“Për të siguruar suksesin e ndërprerjes së zinxhirit të transmetimit të infeksionit, qytetarët kanë një rol thelbësor. Edhe një herë një lutje për qytetarët: Mos shkoni menjëherë në spital! Ministria e Shëndetësisë dhe Mbrojtjes Sociale ka vënë në dispozicion një linjë të gjelbër FALAS 0800 40 40 për çdo qytetar që kërkon informacon apo këshilla në lidhje me COVID-19. Kjo linjë do të shërbejë edhe për pacientët kronikë që të marrin informacion se si të lidhen me mjekun e familjes, se si mund të përfitojnë barnat me rimbursim dhe për cdo shqetësim tjetër që ata kanë. Por është e rëndësishme të sqarohet se: Nëse qytetarët kanë shenja të sëmundjes dhe për rastet e urgjencavem duhet të telefonohet numri unik I urgjencës kombëtare 127! Edhe një herë përsërisim apelin për qytetarët për të respektuar masat e distancimit social, të qëndrojnë në shtëpi, të ndihmojnë veten e tyre dhe të afërmit e tyre që të mos preken nga COVID-19 dhe të ndihmojnë stafet mjekësor për të përballuar këtë situatë”, përfundoi apelin e saj zv/ministrja/ Opinion.al
