Të tjera detaje janë zbardhur lidhur me vrasjen e 35-vjeçarit Albi Bashaliu, mëngjesin e sotëm në Peqin.
I riu, është ekzekutuar në rrugë në rrethana ende të paqarta. Ngjarja ndodhi në fshatin Gjoçaj, Peqin.
Ndërsa mësohet se vëllai i viktimës, Leonard Bashaliu 6 muaj më parë ekzekutoi 44-vjeçarin Ylber Xhahysa. 36-vjeçari ndodhet në burg pasi qëlloi me armë zjarri Xhahysëm më 8 qershor 2021, në Peqin.
Vëllai i viktimës ka pranuar autorësinë e krimit, ku rrëfeu se krimin e kishte bërë pas një përplasje që kishte pasur me viktimën 5 vite më parë.
Nuk dihet nëse ekzekutimi i 35-vjeçarit sot ka lidhje me vrasjen që kreu i vëllai 6 muaj më parë, por një nga pistat që po heton policia është dhe ajo e hasmërisë.
Albi Bashaliu u ekzekutua 6 muaj pas krimit që kreu i vëllai, ndërsa nuk ka informacione nëse vetë viktima kishte pasur konflikte me ndonjë person apo nëse ka pasur precedentë të mëparshëm penal.
Grupi hetimor ka nisur punën për zbardhjen e shkaqeve të vrasjes, identifikimin dhe kapjen e autorëve të krimit./Opinion.al
