Kronikë

500 mijë euro dhe… Si funksiononte grupi i fajdeve në Shkodër


               Publikuar në : 11:14 - 14/03/19 |
geliano fataj

Prej kohësh mbaheshin nën përgjime. Sipas Prokurorisë së Shkodrës është goditur një grup kriminal që merrej me dhënie hua, jashtë sistemit bankar, në shuma të konsiderueshme.

Dhënia hua e këtyre shumave është për interesa shume të larta që vardojnë nga 3%-20% në jave nga ana e personave te implikuar. Gjatë hetimit të kryer rezultoi përvetësimi nga ana e te dyshuarve te disa pasurive te luajtshme, automjete të regjistruara në emër te tyre dhe pasurive te paluajtshme (toka, apartamente, dyqane), prona për të cilat kishte kaluar pronësia ne emër të të dyshuarve”, thekson prokuroria.

Në përgjime kanë rënë 22 persona, ndërsa në pranga kanë përfunduar 12 persona, mes tyre ish-kancelari në Gjykatën e Shkodrës. 4 të tjerë janë shpallur në këkrim, ndërsa janë pezulluar nga detyra një notere dhe një efektiv policie.

Artan Dragani
Artan Dragani

 

Gjatë kontrollit janë gjetur dhe sekuestruar një numër i madh automjetesh, vlera te konsiderueshme monetare (rreth 500.000 euro), aparate celulare etj.

Të arrestuar:  Byrhan Alija 61 vjec nga Shkodra; Edi Memcaj, 33 vjec nga Shkodra; Adri Bala 22 vjec, nga Shkodra; Artan Dragani 39 vjec nga Shkodra; Marjan Bregu 31 vjec nga Shkodra; Vinko Nikprelaj 37 vjec lindur në Podgoric dhe banues në Shkodër; Eduard Fusha, 38 vjec nga Shkodra; Elidon Qerimaj, 41 vjec, nga Shkodra; Pashko Vuksanlekaj, 54 vjec nga Shkodra; Lul Sylja, 48 vjec nga Shkodra;  Naim Ahmetaj 52 vjec lindur në Pukë dhe banues në Tiranë; Ilir Sokoli.

Rama: Shkodra, sot më e sigurt se asnjëherë

Kryeministri Edi Rama përshëndeti operacionin e autoriteteve në Shkodër, ku 11 persona përfunduan në pranga për fajde e gjobëvënie. Në një postim në rrjetet sociale, Rama thotë se falë punës së policisë, që po bëhet çdo ditë e më efikase, sot Shkodra është më e sigurt se asnjëherë. “Përshëndetje dhe përgëzime të gjithë forcave policore që u angazhuan në superoperacionin e Shkodrës, duke çmontuar dhe çuar prapa hekurave një grup kriminal keqbërësish. Sot Shkodra është më e qetë e më e sigurtë se asnjëherë dhe Policia e Shtetit çdo ditë më efikase”./Opinion.al

Pas