Të tjera detaje janë publikuar nga operacioni në Vlorë ku u sekuestrua një sasi e madhe vaj kabanisi në ambientet e një kantine vere. Operacioni i koduar “Portokallja” çoi në arrestimin e shtetasit Shahin Zanaj, 60 vjeç, banues në Vlorë pronar i kantinës së verës dhe i një restoranti në Radhimë. Në pranga ka rënë edhe Kristaq Derraj, 26 vjeç, banues në Vlorë.
Përpos vajit të hashashit policia the se u gjet edhe hashash i formësuar si çokollatë dhe pluhur.
Sasitë e kapura:
-49.7 litra vaj hashashi;
-17.5 kg hashash në formë çokollate;
-13.4 kg hashash në formë pluhuri;
– pajisje, të cilat shërbenin për prodhimin dhe përpunimin e vajit të hashashit;
– 4 automjete.
Njëkohësisht Policia e Vlorës ka vijuar punën për identifikimin dhe sekuestrimin e aseteve dhe pasurive që rrjedhin nga kjo veprimtari kriminale.
Janë referuar në Prokurori materialet në ngarkim të shtetasit Shahin Zanaj, për veprën penale “Pastrimi i produkteve të veprës penale”. Agjentët kanë evidentuar asetet në pronësi të tij:
– 1 biznes kantinë vere, në pronësi të shtetasit Shahin Zanaj.
– 1 bar-restorant në Radhimë.
Në këtë kuadër po bashkëpunohet me Drejtorinë e Përgjthshme të Parandalimit të Pastrimit të Parave për evidentimin dhe bllokimin e llogarive bankare të këtyre shtetasve.
Në vijim, strukturat e Policisë së bashku me ato doganore janë duke bërë inventarizimin e aseteve, për të dokumentuar plotësisht veprën penale të pastrimit të produkteve që burojnë nga aktiviteti kriminal.
Duke përfituar nga mundësia, Policia e Shtetit fton çdo qytetar që ka informacion apo konstaton veprimtari antiligjore të telefonojë falas në numrat 112 ose 129, duke garantuar anonimatin dhe një reagim të shpejtë dhe të ashpër.
Në foto: Ambienti ku kishte shtepine dhe kantinen Shahin Zanaj
