Sodë buke dhe ujë
Soda e bukës përbën një element thelbësor për heqjen e njollave në sipërfaqe dhe për zbardhjen e dhëmbëve. Gjithashtu ndihmon dhe për balancimin e nivelit të PH në gojë.
Gjithsesi duhet të dini që soda e bukës duhet të përdoret rrallë herë sepse sidomos kur e përzieni me limon, ajo ka një efekt më të mirë zbardhës, por gjithashtu duke qenë se rritet niveli i aciditetit mund të shkaktojë abrazion të dhëmbëve.
Sodë buke dhe Peroksid Hidrogjeni
Një tjetër recetë e përbërë nga soda e bukës është edhe përzierja e saj me peroksid hidrogjeni, i cili gjithashtuvepron si një agjent antibacterial duke eliminuar bakteret që keni në gojë. Përzieni sasi të vogla të të dy përbërësve për të krijuar një formë paste dhëmbësh dhe lani dhëmbët. Më pas sigurohuni që të bëni një shpëlarje të mirë.
Sodë buke dhe luleshtrydhe
Tyra Banks dhe Catherine Zeta Jones kanë treguar publikisht që luleshtrydhet janë miku i tyre më i mirë sa herë që u duhet të zbardhin dhëmbët. Mos u tregoni skeptik për shkak të ngjyrës së tyre të kuqe dhe të mendoni se i bëjnë më shumë dëm ngjyrës së dhëmbëve. Luleshtrydhet janë të pasura me vitaminë C, e cila është shumë e mirë për të hequr njollat në sipërfaqe.
Përdorni gjysmë luge sodë buke dhe 3 luleshtrydhe të shtypura për të pastruar dhëmbët. Më pas shpëlani mirë gojën.
Vaji i arrës së kokosit
Një metodë e vjetër, por shumë efektive. Vaji i arrës së kokosit përmban acid laurik, e cila eliminon bakteret që ndodhen në gojën tuaj. Çdo mëngjes përpara se të lani dhëmbët, merrni një lugë nag vaji i arrës së kokosit dhe shpëlani gojën për rreth 10 minuta. Më pas shpëlani mirë gojën dhe lani dhëmbët me pastë dhëmbësh./Radioone.fm
