Pas akuzave të sekretarit të përgjithshëm të PD, Gazmend Bardhi, në lidhje me parregullsitë në procesin e zgjedhjeve të 30 qershorit për Vaun Dejës, ka ardhur reagimi i socialistëve.
Sekretari për marrëdhëniet me publikun në PS-në e Vaut të Dejës, Agron Ceka, është shprehur se zgjedhjet e 30 qershorit janë zhvilluar brenda çdo kuadri ligjor, dhe se akuzat e PD janë absurde dhe qesharake.
Po ashtu, Ceka ka kundërshtuar edhe pretendimet për anëtaren e PS të KZAZ 6 në Bushat, Kristina Ndoja duke thënë se kjo e fundit ka dhënë dorëheqjen si kandidate për këshillin bashkiak të Vau Dejës dhe e ka paraqitur atë në KQZ./ Opinion.al E.Xh.
