Kryesore

30 qershori, PD raport OSBE/ODIHR-it: Shqipëria po kthehet në një…


               Publikuar në : 20:18 - 11/09/19 |
Opi Nion

Politika shqiptare ende nuk ka mundur të gjej një zgjidhje për krizën që ka zaptuar vendin prej disa muajsh. Krizë, e cila kulmoi me djegien e mandateve në bllok nga ana e opozitës dhe me zhvillimin e zgjedhjeve lokale më 30 qershor nga ana e mazhorancës.

Zgjedhjet janë bërë objekt debati jo vetëm për mënyrën se si u zhvilluan por dhe për kandidatët të cilët akuzohen nga opozita se janë në shkelje të ligjit të dekriminalizimit, pasi disa prej tyre rezultojnë të dënuar në vende të ndryshme të Evropës.

Në lidhje me zgjedhjet e 30 qershorit Partia Demokratike i ka dërguar një raport prej 54 faqe OSBE/ODIHR, ku denoncon shkeljet e këtyre zgjedhjeve. Raporti nis me zyrtarët e inkriminuar të PS-së dhe denoncimin e përdorimit të parave të drogës për blerjen e votave.

Po ashtu, në materialin e përgatitur nga PD, denoncohet përdorimi i administratës dhe policisë gjatë zgjedhjeve, dhunimin e të drejtës për votim të fshehtë si dhe blerjen e votave.

Në këtë raport, PD thekson se duke marrë parasysh argumentet e lartëpërmenduar, Shqipëria po kthehet në një regjim kriminal, pasi dhe qeveria është e përfshirënë botën e grupeve kriminale.

Selia blu ka theksuar se pretendimet dhe denoncimet e saj e vërtetojnë zgjedhjet lokale të zhvilluara më 30 qershor./ Opinion.al E.Xh.

Pas