30 mijë maturantë i nënshtrohen sot provimit të Gjuhës dhe Letërsisë Shqipe

Këtë të mërkurë 30 mijë maturantë do t’i nënshtrohen provimit të dytë të Maturës Shtetërore, atë të Gjuhës dhe Letërsisë Shqipe.

Provimi pritet të nisë në orën 10:00 dhe do të zgjasë 2 orë e 30 minuta.

Ndërkohë maturantëve u mbeten dhe 2 provime të tjera për të kryer, ai i Matematikës që do të zhvillohet më datë 13 qershor dhe provimi i katërt i lëndës me zgjedhje që do të zhvillohet më 19 qershor.

Një ditë më parë ministrja e Arsimit Evis Kushi, foli për masa të shtuara për mbarëvajtjen e procesit, ndërsa mohoi që dalja e tezës në provimin e parë të ketë cenuar Maturën Shtetërore.