TIRANE- Sekretari amerikan i Shtetit, John Kerry, ka uruar Shqipërinë me rastin e 28 Nëntorit, Ditës së Pavarësisë.
Në deklaratën e tij, zyrtari i lartë amerikan, thekson se “si anëtare e NATO-s dhe mentore e vendeve të Ballkanit, që synojnë anëtarësim, Shqipëria luan rol vital në promovimin e paqes dhe stabilitetit në rajon dhe në gjithë botën” dhe shton se “Shtetet e Bashkuara e falënderojne shumë Shqipërinë në rolin që luan për sigurinë globale, nga Afganistani, Iraku dhe Ukraina, e deri në kundërshtimin e ekstremizmit të dhunshëm të ISIS-in”.
Në deklaratën e tij me rastin e 28 Nëntorit, John Kerry, shprehet se “Shtetet e Bashkuara janë të përkushtuara për mbështetje të Shqipërisë. Ajo po ndërmerr reforma të domosdoshme për arritjen e aspiratave të saj evro-atlantike”.
Kerry, në fund të deklaratës së tij shpreh vullnet për vazhdim të partneritetit tonë të ngushtë për progres, prosperitet dhe paqe.
